Konsumatorët kanë të drejta të rëndësishme përballë shoqërive tregtare dhe ne kemi eksperiencë në këshillimin e klientëve tanë në të gjitha aspektet e së drejtës për mbrojtjen e konsumatorëve që mund të cënojnë aktivitetin e tyre. Ne u ofrojmë klientëve një gamë të plotë të shërbimeve duke përfshire: rishikimin e kontratave paraprake (duke përfshire informacionin që shfaqet në faqet në internet) për të garantuar që përmbajtja është në përputhje me legjislacionin për mbrojtjen e konsumatorit, duke këshilluar për përgjegjësitë e mundshme ndaj konsumatorit dhe të drejtat e tjera që parashikon ligji, mbi politikat e kthimit të mallrave që u mundësohen konsumatorëve, duke këshilluar në lidhje me mbrojtjen e të dhënave personale dhe privatësisë së konsumatorëve, duke kryer raporte kontrolli gjatë përthithjes së shoqërive në lidhje me përputhshmërinë me legjislacionin për mbrojtjen e konsumatorit.